Gwenu dan Fysiau

Oes gyda chi gyfrif Flickr neu wasanaeth debyg? Os oes, pa drwydded ydych yn roi ar eich lluniau? Efallai nad ydych erioed wedi meddwl am y peth. Ar Flickr y gosodiad rhagosodedig yw 'All rights reserved', sy'n golygu na chaiff neb ddefnyddio eich delweddau heb eich caniatad.

Os nad oes ots gyda chi os yw pobl yn befnyddio eich lluniau/fideo/darn cerddoriaeth ayyb, gallwch roi trwydded Creative Commons iddynt, sydd yn rhoi hyn a hyn o hawliau i fobl ddefnyddio eich gwaith heb ganiatad, ond cyn belled a'u bod yn cydnabod mai chi wnaeth y gwaith gwreiddiol. Fe allwch osod rhai amodau, fel ddim gwaith masnachol, dim addasu ayyb drwy ddewis gwahanol drwyddedau.

Prif bwrpas y rhain yw peidio cyfyngu creadigrwydd yn y pen draw. Defnydd arall yw galluogi pobl fel fi i ychwanegu delweddau at erthyglau Wicipedia er mwyn iddynt ymddangos yn fwy deiniadol (fel erthygl Eglwys Sant Teilo, diolch i Traed Mawr).

Felly fel oeddwn i'n ddweud, os ydych yn tynnu lluniau a'u rhoi ar Flickr, beth am eu gwneud ar gael i eraill? Gallwch unai dewis trwydded yn ôl pob llun, neu newid trwydded eich holl luniau.

Dwi wedi bod yn meddwl gwneud cofnod blog am hyn ers amser, ond bu trafodaeth ar Wicipedia heddiw am wefan arall sy'n ffynhonell lluniau rhydd, sef Geograph. Mae hwn yn ardderchog, gan y gallwch chwilio am ddelwedd drwy fap (cofiwch zoomio fewn). Un problem wrth gyfrannu ato fydd bod â'r mynedd i ddarganfod cyferinod map OS i bob man - welai nunlle ar y wefan sy'n dweud ffordd hawdd o ddod o hyd i hyn. Siawns bod ateb i gael rhywle.

Yn y newyddion heddiw mae Undebau'n ceisio sicrhau nad yw cyflogwyr yn camddefnyddio tips i bedio a talu lefel cyflog teilwng (a chyfreithiol!) i'w gweithwyr. Dwi 100% tu ôl i'r ymgyrch, cofiaf gael braw un tro tra'n gweithio ar Linell Cymorth i Gyflogwyr, i gyllid y wlad pan oeddwn wrthi'n cynorthwyo perchenog bwyty weithio arllan faint o dreth oedd i'w gasglu o dâl ei staff. Yn ôl yr arfer, gofynnais faint oedd cyflog y gweithiwr ac atebodd "it depends on how much tips they get". Doeddwn ddim yn gwybod beth i'w ddweud.

Ond mae dwy ffordd o edrych arni. Gawlch fi'n Scrooge, ond dwi ddim yn hoffi'r arferiad o dalu tip i rhywun. Dylai'r gwasaneth fod yn berffaith pob tro yn fy marn i, mae fel dweud, "Da iawn, wnaetho chi ddim ffycio popeth fynny tro yma, cymer £2-3". Mae'r elefen disgwyliedig anghywir hefyd, gyda rhai pobl yn disgwyl cael tip an y peth lliaf, neu waeth fydd staff yn bod yn o'r glên mewn modd ffals er mwyn sicrhau tip- ych a fi! A llefydd sy'n ychwanegu 10-15% ar y bil yn barod - peidiwch wir. Byddai'n well gen i petai pobl yn codi prisiau ac yn talu cyflog uwch - os nad yw pobl yn fodlon dod i'r bwyty wedyn, unai tydyn nhw ddim y licio'r bwyd digon, neu tydi'r gwasaneth ddim diggon da.

Peth gymharol diweddar yw tipio ym Mhrydain (a dwi wedi gweld rhai pobl yn gwrthod derbyn tip, yn ei weld fel sarhad bron), ond pan dwi'n mynd dramor dwi ofn trwy fy nhîn nad ydw i'n rhoi digon a bod pobl yn troi'n gas.

Mae'r disgwyliad o roi 10% o'r bil yn fy mhoeni hefyd. Os chi'n mynd am bryd £20 mae disgwyl £2 ychwanegol ar ei ben sy'n lot yn fy marn i, ac os oes 4-5 ohonoch a'r bil yn barod wedi dod i £100, mae disgwyl talu £10 arall ar ben.

Efallai mai Gogs yw'r Cardis newydd wedi'r cyfan.

Un peth dwi'n siwr ohono yw dwi'n mynd i Canteen on Clifton heno, bydd y bwyd yn flasus fel arfer, y staff yn gyfeillgar ac fe adawaf dip iddynt.

Roedd post ysgafn ar flog Vaughan Roderick ddoe am ddisgrifiadau ymgeiswyr i fod yn gynghorwyr cymunedol yn Llangynog, Powys. Sylwais nad oedd modd gadael sylw (h.w. roedd y botwm 'gadael sylw' wedi diflannu. Deallais wedyn o flog arall y BBC bod yr holl flogiau'n cael eu huwchraddio.

Dwi ddim yn berson technegol, ond fel blogiwr ac un sy'n gadael sylw ar flogiau mae gyda fi syniad o beth sy'n gweithio'n dda a beth sydd ddim. Doeddwn i ddim yn gweld lot o broblem gyda'r hen sustem, ond ymddengys bod spam yn broblem. I ddod dros y broblem hyn mae rwan yn rhaid i chi fewngofnodi er mwyn gadael sylw. Dyma sydd gan y BBC Internet Blog i ddweud:

A new registration based comments system

This uses the existing signon system across the BBC, so Message Board or Have Your Say users will be able to login as normal.

We thought hard about introducing what some call a "barrier to entry" for leaving comments but, to be honest, we'd had enough of 502 errors and the system seizing up with spam attacks.

Efallai bod y boi'n swnio'n snobyddlyd fel fi ond mae ganddo bwynt! Hefyd, ar hyn o bryd, does dal dim modd gadael sylw ar folg Vaughan Roderick (hyd yn oed petawn wedi cofrestru). Mae hyn yn biti achos roedd sylwadau ar flog Vaughan yn gallu bod yn estyniad digon diddorol at beth a sonir amdanynt y cofnodion gwreiddiol - dwi'n rhagweld bydd llai yn trafferthu gadael sylw - a ninnau ar drothwy etholiad hefyd.

Does gyda fi ddim sat-nav (cyfarwyddiadau lloeren?) a dwi ddim yn bwriadu cael un, ond bues i mewn car ble roedd llais John Cleese yn rhoi'r cyfarwyddiadau, gyda elfen comedi ("bare left, beaver right!" a rhyw lol felly). Dwi ddim yn siwr pa mor synhwyrol yw hyn, a dwi'n siw byddai'r jôc yn eich blino ar ôl ei glywed - wel unwaith.

Ta waeth, heddiw mae Luistxo'n adrodd hanes y ffaith bod 10 mlynedd wedi mynd heibio ers iddo lunio rhestr e-bostio Basgeg, a sut daeth y rhestr yma'n sbardun i nifer o ddatblygiadau ar-lein Basgeg eraill a'i argyhoeddi o bosibiliadau'r rhyngrwyd fel teclyn cyfathrebu a chymdeithasol. Erbyn hyn mae gan Eibar, ei dref enedigol, wefan blogio/gymundedol bywiog (nid yn rhy anhebyg i syniad gwefannau Lleol i Mi y BBC, ond ei fod cachlwyth yn well ac yn annibynnol). Mae'n gorffen ei gofnod gyda:

Some list members will meet this afternoon to hack the TomTom car navigation system and record Basque voices for the devices. And that will be made public afterwards.

Petai nhw'n llwyddo, a byddai modd maes o law cael fersiwn Cymraeg, llais pwy hoffech chi ei gael yn eich tywys ar hyd ffyrdd cul cefn gwlad a thraffyrdd Cymru - Dai Jones, Malcolm Allen, Arthur Picton?

Mae'r blogiwr Americanaidd Cymreig (neu Cymreig Americanaidd) Robert ar wibdaith i Gymru, er gan ei fod yn dilyn cwrs ym Mhrifysgol Llambed. Rhwng ei gyfarfod gyda'r coleg a'g ymweld â'i deulu yn ochrau Casnewydd, mae am dreulio awren neu ddwy yng Nghaerdydd y dydd Sadwrn yma.

Mae croeso i chi ymuno â Robert a minnau yn y Mochyn Du, bore Sadwrn (19eg) am 11:30 dros beint neu baned. Os ydych chi eisiau cysylltu â mi, fy rhif symudol yw 07817 921435.

Nid fi, ond yr enw 'Rhys' yn gyffredinol. Cefais siom yn dilyn cyfrifiad 2001 gan i fy enw ddisgyn allan o'r 50 enw babi mwyaf poblogaidd yn y DG gyfunol (a dwi di bod rhywle rhwng y 49ain a'r 59ain safle dros y pedair blynedd diwethaf).

Fel chi'n gwpod, dwi'n gwirioni a'r fapiau a sdwnsh data, felly roeddwn wrth fy modd gyda Baby Name Map, sy'n dangos pa weldydd y byd mae enw arbennig yn boblogaidd. Dyma ganlyniad Rhys. Nid oes canlyniad ar gyfer pob gwladwriath, gall hyn fod am nad oes dim babi wedi'i enwi'n Rhys yno, neu nad oes modd gweld y data, ac mewn rhai gwladwriaethau, mae data wedi ei rannu yn ôl gwlad neu dalaith.

Poblogrwydd Rhys ar draws y byd
Tra roedd hi'n ddigalon bod y nifer o Rhysiaid wedi gostwng o 2 i 1 yn Ciwbec rhwng 2004 a 2006, ond mae newydd mwy calonogol yng Ngogledd Iwerddon gyda 73 yn 2006 o'i gymharu a dim ond 44 yn 2005. Rhys yw'r 5ed enw mwyaf poblogaidd yng Nghymru, ond y 914eg yn UDA ac rhywsut 67fed yng Ngorllewin Awstralia.

PoBLOGrwydd Rhys Wynne
Mae'n siwr eich bod wedi teipio eich henw llawn i Google unwaith yn eich bywyd. Dwi'n mwynhau darllen blog Rhys Wynne arall o Fae Colwyn (sydd fel arfer yn fy nhguro i'r prif safle!), ac yn y gorffenol roedd yna wastad sôn am fachgen ifanc o'r un enw o'r dwyrain pell a oedd yn rhyw fath o child prodigy gyda ei ddarluniau yn werth lot o arian - ond does dim golwg mohono rwan.

Darllenais erthygl ar wefan Y Guraniad am Googlegangers (sy'n swnio braidd yn dodgy) ble mae 40 dynes gyda'r un enw wedi cwrdd. Ac mae un wedi cyhoeddi llyfr am y peth - ychydig fel 'Are yw Dave Gorman' and tua 5 mlynedd yn rhy hwyr.